“Tottenhem” müdafiə xəttini yeni futbolçu ilə gücləndirib.

“Football-plus.az” xəbər verir ki, İngiltərə klubu Mikki van de Venin keçidi ilə bağlı “Volfsburq”la razılığa gəlib.

İnsayder Fabritsio Romanonun yaydığı xəbərə görə, londonlular 22 yaşlı niderlandlı futbolçuya görə 50 milyon avro ödəyəcək. Müqavilədə Almaniya klubuna çata biləcək bonuslar da nəzərdə tutulub. Mərkəz müdafiəçisi olan Mikki “Volfsburq”da 2021-ci ilin avqustundan çıxış edir. O, son mövsümdə bu komandada keçirdiyi 36 matçda 1 qolun və 2 məhsuldar ötürmənin müəllifi olub.