“Santos”un azarkeşləri dərin məyusluq və qəzəb içindədilər.

“Football-plus.az” xəbər verir ki, onların sevimli komandası Braziliya çempionatında yüksək liqanı tərk edib. A seriyasının sonuncu turunda evdə “Fortaleza”ya uduzan (1:2) əfsanəvi Pelenin keçmiş komandası mövsümü 17-ci yerdə başa vurub. Fanatlar tarixində ilk dəfə yüksək liqanı tərk edən komandanın bu uğursuzluğuna görə acığını Stiven Mendozadan çıxıblar: hücumçunun avtomobili yandırılıb. “Globo”nun yaydığı xəbərə görə, bu hadisə “Fortaleza” ilə matçdan sonra baş verib. Ümumiyyətlə, iğtişaşlar nəticəsində stadionun yaxınlığında olan bir neçə avtomobil və avtobusa ciddi ziyan vurulub. Hadisə yerinə helikopterlər və hərbi polis cəlb edilib.