"Ayntraxt"ın 5 azarkeşi dünən İspaniyada "Reyncers"ə qarşı keçirilən Avropa Liqasının final oyunundan əvvəl saxlanılıb.

Üzünü maska ilə örtən fanatlar rəqib tərədarlara fişənglər atıblar. Polis qarşıdurmada 200-dək "Ayntraxt" azarkeşinin olduğunu bildirib. Hadisə yerinə əlavə polis qüvvələri gəlib və onlar vəziyyəti nəzarət altına almaq üçün havaya bir neçə dəfə xəbərdarlıq atəşi açmalı olublar. Sevilya şəhərindəki final oyunun təşkili üçün ümumilikdə 5,5 mindən çox polis səfərbər edilib. İğtişaşlar nəticəsində “Reyncers”in bir azarkeşi başından xəsarət alıb.