İngiltərə premyer-liqasında 36-cı turun oyunları keçirilir.

"Football-plus.az" xəbər verir ki, şənbə günü “Fulhem” səfərdə “Sauthempton”u 2:0 hesabı ilə məğlub edib. Nəticədə 24 xalla 20-ci yerdə olan ev sahiblərinin sona 2 tur qalmış 17-ci yerdəki “Everton”la (35 oyun) 8 xallıq fərq dəyişməyib. Bununla da “Sauthempton”un növbəti mövsümdə premyer-liqada oynamayacağı dəqiqləşib.

Komanda ölkə çempionatının ən yüksək divizionunda 2012/13 mövsümündən çıxış edirdi. “Sauthempton”un premyer-liqanı 3-cü dəfə tərk etdiyini də bildirək.