Luis Suares “Qremio”nun azarkeşləri ilə vidalaşıb.

"Football-plus.az" xəbər verir ki, uruqvaylı futbolçu “Vasku da Qama” ilə sonuncu ev oyunundan sonra meydanı göz yaşları ilə tərk edib. Onun vurduğu yeganə qol komandaya qələbə qazandırıb. Bir müddət əvvəl onun “İnter Mayami”yə keçəcəyi haqda xəbər yayılmışdı. Bilindiyi kimi, bu komandada onun ən yaxın dostlarından biri olan Lionel Messi çıxış edir. Son xəbərlərdə Suaresin ABŞ klubu ilə razılığa gəldiyi və onun tezliklə mayamililərlə 1 illik müqavilə imzalayacağı bildirilib.

36 yaşlı Suares “Qremio”ya bu il qoşulmuşdu. O, Braziliya klubundan əvvəl “Nasyonal”, “Atletiko”, “Barselona”, “Liverpul”, “Ayaks” və “Qroningen”də çıxış edib.