Luis Suares karyerası ilə bağlı vacib qərar vermək ərəfəsindədi. O, yaşıl meydanı tezliklə tərk edə bilər.

"Football-plus.az" xəbər verir ki, uruqvaylı hücumçu səhhətindəki problemə görə butslarını mismardan asmaq haqda düşünür.

Suares “Qremio”dakı çıxışını vaxtından əvvəl dayandıra bilər. Onun dizində ciddi problem aşkarlanıb. Braziliya klubunun rəhbərliyi futbolçunun hazırkı vəziyyətini anlayışla qarşılayır və onunla müqaviləni qarşılıqlı razılıq əsasında pozmağa hazırdı. Ancaq Luis “Qremio”dan ayrılandan sonra başqa klubla müqavilə bağlayacağı halda ondan təzminat tələb ediləcək.