Mark-Andre ter Ştegen ilə bağlı növbəti xəbər yayılıb. Son məlumat heç də sevindirici deyil.

“Football-plus.az” xəbər verir ki, “Barselona”nın qapıçısı hələ də şiddətli bel ağrılarından əziyyət çəkir. “AS” nəşrinin yaydığı xəbərə görə, komandanın son 3 oyununu buraxan əlcək sahibinin vəziyyəti getdikcə pisləşir. Klubun tibbi xidməti təcili həll yolunu axtarır. Almaniyalı futbolçu ilə bağlı bir neçə variant var. Bunlardan biri ağrının təbii şəkildə azalmasına nail olmaq üçün futbolçuya bir neçə həftəlik istirahət verməkdi. Həkimlərin üstünlük verdiyi başqa bir seçim də fəqərələr arasında təzyiqi aradan qaldırmaq üçün əməliyyat aparılmasıdı. Bu əməliyyatın bərpa müddəti təxminən 4-6 həftədi. İstənilən halda qapıçının ayın sonuna qədər meydana çıxması gözlənilmir.

Xatırladaq ki, Ter Ştegenin bel ağrıları noyabrda Almaniya millisinin sıralarında olarkən başlayıb. O, bu mövsüm La Liqada 13 oyunda meydana çıxıb.