Almaniya yığması və ''Barselona''nın qapıçısı Mark-Andre Ter Ştegen əla mövsüm keçirir. Təcrübəli əlcək sahibi xüsusilə Kataloniya nəhənginin heyətində xarüqələr yaradır.

"Football-plus.az" xəbər verir ki, o, cari mövsüm 26 tura cəmi 9 qol buraxıb ki, bu da 21-ci əsrdə La Liqanın yeni rekordudu.

Qəribə səslənsə də, ''Barselona'' fanatlarının fikrincə, Ter Ştegenin bu cür inamlı oyununda Türkiyənin rolu böyükdü. Məsələ burasındadı ki, saç tökülməsindən əziyyət çəkən 30 yaşlı qapıçı Türkiyədə saç transplantasiyası mərkəzinə müraciət etmişdi.

Ter Ştegen hələ 2019-da bu prosesə start verərək İstanbula yollanmışdı. Bu mövsümün əvvəllərindən etibarən bu, öz effektini verməyə başlayıb. Qapıçının son illərlə müqayisədə saç formasının dəyişdiyini və artdığını müşahidə etmək mümkündü. O artıq 2010-cu ildəki Ter Ştegeni xatırladır.

''Barsa'' fanatlarının fikrincə, xarici görünüşündəki bu dəyişiklik almaniyalının performansına da müsbət təsir göstərib. Ona görə də azarkeşlər sosial şəbəkələrdə Türkiyəyə minnətdarlıqlarını bildiriblər.

ƏLİ