“Barselona”nın qapıçısı Mark-Andre ter Ştegen Millətlər Liqasının gələn ay keçiriləcək oyunları üçün Almaniya yığmasına çağırılmayacaq.

Bu barədə milli komandanın baş məşqçisi Hans-Diter Flik Almaniya Futbol İttifaqının saytına açıqlamasında bildirib. O, Mark-Andre ilə onun milli komandadakı və “Barselona”dakı mövcud vəziyyəti haqqında açıq söhbət etdiyini deyib. Bundestimin çalışdırıcısı futbolçunun zədə səbəbindən son iki ildə mövsümlərarası fasilədən istifadə edə bilmədiyini və bu yay istirahət etməsinin vacib olduğunu vurğulayıb.

Almaniya millisi iyun ayında Millətlər Liqasında 4 oyun keçirəcək. Flikin komandası iki dəfə İtaliya (4 və 14 iyun), bir dəfə isə İngiltərə (7 iyun) və Macarıstanla (11 iyun) qarşılaşacaq.