"AFFA-ınn, Gənclər və İdman Nazirliyinin, həmçinin mənim israrlı xahişlərimdən sonra stadion rəhbərliyi bizə daha bir ay möhlət verdi. Yəni dekabrın 31-nə kimi vaxtımız var. Bu müddət ərzində icarənin pulunu tamamlamalıyıq. Zaqatalada çox çalışdıq, amma heç cür sponsor, dayaq tapa bilmədik. Görünür, burda nəsə axtarmağın, ümid bəsləməyin adı yoxdu. Artıq Bakıdakı iş adamlarına müraciət etməyə çalışacam. Gələn həftədən etibarən həm fərdi, həm də Futbolun İnkişaf Fondunun köməyi ilə imkanlı sahibkarlarla danışıq aparmağa çalışacam. Əvvəlki açıqlamamda dediyim kimi, sona qədər mübarizə aparıb stadion işimizi birdəfəlik həll etməliyik. Bu bir ay möhlətdən maksimum istifadə edib, vəziyyətimizi yaxşılaşdırmalıyıq".