“Bəzi məsələlərdə irəliləyiş var”
Misli premyer-liqasında 15-ci tur davam edir.
“Football-plus.az” xəbər verir ki, “Kəpəz” “Sabah”ı qəbul edib - 0:2. Oyundan sonra meydan sahiblərinin çalışdırıcısı Adil Şükürovun mətbuat konftansı keçirilib. Sizi onun fikirləri ilə tanış edirik:
"Azarkeşlərimizə təşəkkür edirəm, 90 dəqiqə komandanı dəstəklədilər. İstəyirik ki, daha böyük addımlar ataq. Amma hazırda bu, alınan iş deyil. Müəyyən vaxt lazımdı. Bəzi məsələlərdə irəliləyiş var. Komandaya aqressivliyi gətirmişik. Sonluq çatışmır. Bunu da aradan qaldırmağa çalışacağıq".
- İlk hissədə komandanız hücumda daha parlaq oyun göstərdi. Müdafiədə isə kobud səhvlər gördük. Bu problem nədən qaynaqlanır?
- Komada hücumda olursa, müdafiə də onu sığortalayır. Bəli, bəsit qollar buraxdıq. Biz qol vurmalı idik, rəqib vurdu. Həmin anlarda komanadada konsentrasiya itdi.
- Vurğun Hüseynovun ehtiyatda qalmasının səbəbi nədi?
- Vurğun və ehtiyatda qalan digərləri güvəndiyimiz futbolçulardı. Hər kəsə şans verməyə çalışırıq. Vurğun təcrübəli futbolçudu. Üç gündən bir oynamaq onun üçün çətin olar, Bu gün hücumda olub qollar vurmaq istəyirdik.
- Mate Kvirkviya və Martinsi niyə əvəzlədiz?
- Kubok matçında da oynamışdılar. Qarşıda "Qəbələ" ilə oyunumuz var. Buna görə də onları əvəzlədik.
Digər xəbərlər
