Misli premyer-liqasının 13-cü turunda "Turan Tovuz" evdə "Sabah"a uduzub - 2:3.

"Football-plus.az" xəbər verir ki, oyundan sonra Tovuz təmsilçisinin baş məşqçisi Ayxan Abbasov media nümayəndələrinin önünə çıxıb. Sizi əvvəlcə mütəxəssisin fikirləri ilə tanış edirik:

- Maraqlı oyun idi. Matç çox sürətli başladı. Təəssüf ki, ilk qolumuz qeydə alınmadı. Səhvlərdən ucuz qollar buraxdıq. Bundan sonra komanda toparlanıb iki qol vurdu. İlk hissənin sonrarında üçüncü qolu buraxdıq. Fasilədə dəyişikliklər etdik. Bilirdik ki, rəqib bizi əks-hücumda tutacaq. Futbolçular ritmdən düşmədi. Müdafiə planında əskiklərimiz var. Kiçik səhvlər bizə baha başa gəlir. Çempionat davam edir. Xal fəırqi bir az açılır. Həvəsdən düşmək olmaz. Stadionda möhtəşəm atmosfer var idi. Azarkeşlərə təşəkkür edirəm.

- Hakimliklə bağlı nə deyə bilərsiz?

- Bu gün hakimlik normal idi.

- Buraxılan qolları necə şərh edərdiz?

- Fərdi səhvlərdi. Qapıçının da, müdafiəçilərin də səhvi var.

- Qışda müdafiə xəttinə transfer edəcəksiz?

- Bu gün hücumu düzəltmək istəyiriksə, bəzi risklər alırıq. Müdafiədə fərdi səhvlərdi, taktiki səhvlər olmur. Belə oyunlar vacibdi ki, həmin futbolçular artırsın. Bu səhvləri etmək olmaz. İstəyirik ki, komandada rəqabət olsun. Yeni oyunçular dəvət edə bilərik. Amma bu, gələcəyin işidi".