"Dominant oyun göstərməyə çalışdıq"
Misli premyer-liqasında 25-ci turun oyunları keçirilir.
"Qəbələ" "Qarabağ"ı qəbul edib - 1:3. Matçdan sonra meydan sahiblərinin çalışdırıcısı Elmar Baxşıyevin mətbuat konfransı keçirilib. Sizi mütəxəssisin fikirləri ilə tanış edirik:
"Bilirdik ki, ağır oyun olacaq "Qarabağ" çempionatın ən yaxşı komandalarındandı. Matça yaxşı başladıq. Ümumi olaraq komandanın çıxışından razı qaldım. Futbolçular "Qarabağ"dan çəkinmədilər. Dominant oyun göstərməyə çalışdıq. Rəqib təzyiq göstərdiyinə görə müəyyən boşluqlar verdik".
- Müdafiə futbolu oynasaydız, nəticə fərqli ola bilərdi?
- Top rəqibdə olanda müdafiə olunmalısan. Sadəcə komandadan daha öndə müdafiə olunmağı tələb edirik. Biz o komandalardan deyiliK ki, 90 dəqiqə müdafiəyə qapanaq, əks-hücumlara bel bağlayaq.
- Son nöqtəni qoymaqda çətinlik çəkirsiz. Bunun səbəbi nədi?
- O epizodları yaratmaq özü də, güc tələb edir. Hər matçda qol fürsətləri əldə edirik. Sadəcə olaraq, dəyərləndirməkdə çətinlik var. Gördüyümüz bizə inam verir. Komanda hücumda istədiyimizi verir.
- Ən çox legioneri olan komanda "Qəbələ"di. Amma buna baxmayaraq turnir cədvəlində üst sıralarda deyilsiz. Legionerləriniz istədiyiniz səviyyədə deyil?
- Sizin işiniz statistikaya baxmaqdı. Bu gün 5 legioner, 6 azərbaycanlı oynayırdı. Mən milliyətə fikir vermirəm. 23 futbolçumuz var. Kim layiqdisə, o da oynayır.
Digər xəbərlər
