Premyer-liqanın 12-ci turunda “Qarabağ” səfərdə “Şamaxı”nı darmadağın etdi - 4:0.

"Football-plus.az" xəbər verir ki, oyunu maraqlı edən məqamlardan biri 19-cu dəqiqədə yaşandı. Zədələnən Filip Ozobiçi Nəriman Axundzadə əvəzlədi. Bununla da 18 yaşlı futbolçu “Qarabağ”ın heyətində debüt etdi. Oyunsonrası mətbuat konfransında Qurban Qurbanov onun performansından razı qaldığını da söylədi.

Nərimanla bağlı redaksiyamıza maraqlı informasiya daxil olub. Sən demə, “Şamaxı” rəhbərliyi mövsümün əvvəlində onu icarəyə götürmək istəyib. Hətta “şirlər” gənc hücumçuya ayda 2 min dollar maaş da verməyi düşünürmüş. Futbolçunun özü də “Şamaxı”da çıxış etməyə müsbət baxırmış. Lakin Qurban Qurbanov Nərimanı komandada saxlamağı vacib bilib. Bu səbəbdən də “şirlər” gənc hücumçunun xidmətindən imtina etməli olub.

İLKİN SULTANLI