2023-cü il üçün “Golden Boy” mükafatının sahibi müəyyənləşib. Bu nominasiyanın qalibi heç kimi təəccübləndirməyib.

“Football-plus.az” xəbər verir ki, İngiltərə millisinin və “Real”ın yarımmüdafiəçisi Cud Bellingem bu il mükafata layiq bilinib. Qeyd edək ki, İtaliyanın “Tuttosport” qəzetinin təsis etdiyi mükafat Avropada ilin ən yaxşı gənc futbolçusuna (21 yaşadək futbolçular arasında) verilir. Bellingem “Real”a bu ilin yayında “Borussiya”dan (Dortmund) keçib. 20 yaşlı futbolçu Madrid klubunda meydana çıxdığı ilk 14 matçda 13 qol vurub.