“Golden boy” mükafatına namizədlərin yekun siyahısı açıqlanıb.

"Football-plus.az" xəbər verir ki, “Tuttosport” qəzetinin 21 yaşadək futbolçular üçün təsis etdiyi mükafata iddiaçıların sayı 20-yə endirilib.

İtaliya nəşrinin əməkdaşlarının rəyinə əsasən formalaşan yekun siyahıya bu futbolçular layiq biliniblər:

Çud Bellingem, Kərim Adeyemi (hər ikisi Dortmund “Borussiya”sı), Eduardo Kamavinqa (Real), Pedri, Ansu Fati, Qavi (hamısı “Barselona”), Antonio Silva (Benfika), Fabio Karvalyo (Liverpul), Vilfred Nyonto (Lids), Yoşko Qvardiol (Leyptsiq), Camal Musiala, Matis Tel, Rayan Qravenberx (hamısı “Bavariya”), Fabio Miretti (Yuventus), Niko Qonsales (Valensiya), Nunu Mendeş (PSJ), Corco Skalvini (Atalanta), Nikola Zalevski (Roma), Benyamin Şeşko (Zaltsburq), Destini Udoci (Udineze).

Ötən mövsüm mükafata “Barselona”nın oyunçusu Pedri sahib çıxmışdı. Builki laureatın kimliyi isə noyabrın 7-də Turində təşkil ediləcək mərasimdə açıqlanacaq.