Nəhayət, Cud Bellingemin karyerası ilə bağlı suala cavab tapılıb.

"Football-plus.az" xəbər verir ki, gənc futbolçu yeni mövsümə İspaniyada başlayacaq.

Onun uğrunda mübarizədən “Real” qalib çıxıb. İspaniya klubu ilə “Borussiya” arasında aparılan danışıqlar çərşənbə günü başa çatıb. “The Athletic” qəzetinin yaydığı məlumatda Dortmund klubunun Cuda görə 103 milyon avro irəli düşəcəyi bildirilib. Xəbərdə bu əməliyyatın hər iki klubun tarixinə ən bahalı transfer kimi düşdüyü də vurğulanıb. Belə ki, müqavilədə transfer dəyərinin 30 faizi qədər – 30,9 milyon avro bonus da nəzərdə tutulub. Bu vəsait, təbii ki, “Borussiya”nın xəzinəsinə daxil ola bilər. Bellingem yaxın günlərdə yeni klubu üçün tibbi baxışdan keçəcək. İngiltərəli futbolçu səhhətində hər hansı problem ortaya çıxmayacağı halda madridlilərlə müddəti 2029-cu ilin yayına qədər razılaşdırılan müqaviləyə qol çəkəcək.

Bellingem “Borussiya”da 2020-ci ilin yayından çıxış edir. 19 yaşlı futbolçu yenicə başa çatan mövsümdə bütün turnirlərdə iştirak etdiyi 42 oyunda 14 qolun və 7 məhsuldar ötürmənin müəllifi olub.