“Azərreyl”in ulduzu: “İşin hələ bitmədiyini başa düşürük”
Qadın voleybolçulardan ibarət "Azərreyl" komandası noyabrın 9-da Çağırış kubokunun 1/16 final mərhələsinin ilk oyununda Bakıda "Avarka de Menorka"nı məğlub etməyi bacardı - 3:1 (23:25, 25:15, 25:19, 25:23).
"Dəmiryolçular" sabah İspaniyada bu rəqiblə cavab görüşünə çıxacaq.
"Azərreyl"in xorvatiyalı hücumçusu Katarina Pilepiç oyunla bağlı fikirlərini "Football-plus.az" saytı ilə bölüşdü:
"Komandamızda əhval-ruhiyyə çox yaxşıdı. İşin hələ bitmədiyini və növbəti mərhələyə keçmədiyimizi başa düşürük. Oyunu səbirsizliklə gözləyirik. Çərşənbə günü ən yaxşı çıxışımızı göstərmək üçün hələ bir günümüz də var. Bakıda qalib gəlsək də, arxayınlaşmamalıyıq. Rəqib də əlindən gələni edəcək. Amma biz kollektiv olaraq, oyunumuza diqqət yetirməliyik ki, növbəti qələbəmizi qazanaq".
CAVİD ƏLİYEV
Digər xəbərlər
