"Qarabağ" dünən Avropa Liqasının qrup mərhələsinin 4-cü turunda evdə "Bayer-04"ə məğlub oldu - 0:1.

Oyundan sonra Almaniya nəhənginin 31 yaşlı yarımmüdafiəçisi Yonas Hofmann "Football-plus.az"ın bəzi suallarını cavabladı.

- Qalıb gəldiyiniz oyunla bağlı təəssüratın necədi?
- Məncə, burda Almaniyadakı kimi mübarizə apara bilmədik. "Qarabağ" yaxşı çıxış elədi, şansları oldu. Oyun heç-heçə də bitə bilərdi. Ancaq bəxtimiz gətirdi və qalib gəldik.

- Qələbə qazanmağınızda nə əsas rol oynadı?
- Biz "Qarabağ"ın qapısında yola tapa bildik (gülür). Ağdam komandasının fərqlənmək bir çox şansı oldu. Amma biz yaxşı müdafiə olunduq. Sonda da penaltidən düzgün istifadə edərək qalib gəldik.

- "Qarabağ"ın oyununu bəyəndin?
- Bəli. "Qarabağ" bizə qarşı əla oynadı. Bu matçda bizə başağrısı ola bildilər və yetərincə çətinlik yaratdılar. İlk oyundan fərqli oynadılar. Hətta bu matçda onların heç-heçə etməsi və ya bizi məğlub etməsi belə mümkün idi.

- Stadiondakı atmosfer barədə nə deyə bilərsən?
- Ölkənizdə Bayraq günü idi. Azarkeşlər, arenadakı atmosfer möhtəşəm idi. Belə olacağını gözləmirdim. İlk hissəni ehtiyatda oturarkən azarkeşlərin telefon işıqlarını yandırıb-söndürdüyünün görürdüm. Bu, stadionda əla görüntü yaradırdı.

CAVİD ƏLİYEV