"Qarabağ"ın "Molde"ni məğlub etdiyi oyundan sonra qonaqların hücumçusu Fredrik Qulbrandsen "Football-plus.az"ın bəzi suallarını cavabladı.

- “Qarabağ”a məğlub olduz. Oyunla bağlı təəssüratın maraqlıdı...
- Pis oyun göstərdik. “Qarabağ” oyun ərzində topa yaxşı sahib oldu və yüksək pressinq tətbiq etdi. Bizə topu ələ keçirməyə imkan vermədilər. Rəqibin topla çox oynaması bizə problem yaratdı.

- Səncə, komandanızda nə çatmadı?
- “Qarabağ”ın bizə qarşı güclü pressinq tətbiq etməsi, topsuz qoyması oyunumuzun alınmamasına gətirib çıxardı. Bu şəraitdə rəqibə qarşı mübarizə aparmaq çox çətin idi. Çox yaxşı komandaya qarşı oynadıq. Ümid edirəm ki, növbəti oyunlarda daha yaxşı nəticələr əldə edərik.

- Bakı haqqında düşüncələrin nədi?
- Paytaxtınız çox yaxşıdı, burda görməli maraqlı yerlər var.

CAVİD ƏLİYEV