Bu bilgilərin səhih olub-olmadığını öyrənmək üçün “köhlən atlar”ın mətbuat xidmətinin rəhbəri Anar Həsənova müraciət etdik. Onun “Football-plus.az”a cavabı:
“Riçard Almeydanın Bakıya səfəri istirahət xarakteri daşıyır. O, bu çərçivədə “Qarabağ”ın bazasını da ziyarət edib. Almeyda hazırda Braziliyada fəal futbolçu karyerasını davam etdirir və klubumuzun oyunçusu deyil. “Qarabağ”ın qapısı vaxtilə komandamızın uğurları üçün əzmlə mübarizə aparmış futbolçularımızın üzünə həmişə açıqdı. Onun bazaya gəlişi də məhz bu səbəbdəndi. Riçard Almeydanın Qurban Qurbanovun köməkçisi vəzifəsinə gətiriləcəyi ilə bağlı yayılan məlumatlar isə həqiqəti əks etdirmir”.
Maraq üçün qeyd edək ki, Almeyda hazırda Braziliya klubu “XV Piracicaba”nın formasını geyir.
KƏNAN BAHADIR
