Ölümdən dönən futbolçunun durumunda vacib dəyişiklik
Xəbər verdiyimiz kimi, Misli premyer-liqasının 12-ci turunun “Səbail” – “Turan Tovuz” matçında meydan sahiblərinin kapitanı Ağabala Ramazanov ciddi zədə alıb.
Milli üzvü rəqibin oyunçusu Faiq Hacıyevlə toqquşarkən beyni silkələnib. Hücumçu hazırda xəstəxanada müalicəsini davam etdirir. Görəsən, Ağabalanın durumunda hansısa dəyişiklik var? Futbolçu özünü necə hiss edir? Suallarımızı “Səbail”in mətbuat katibi Rəşad Məmmədova ünvanladıq. Klub rəsmisi “Football-plus.az”a açıqlamasında bunları söylədi:
“Ağabalanın durumunda gündən-günə yaxşılığa doğru irəliləyiş hiss olunur. Futbolçumuz hazırda tam şəkildə özündədi. Artıq ciddi həkim nəzarətində deyil. Dünən reanimasiyadan palataya köçürülüb. Yəqin ki, bir neçə gün də həkim nəzarətində qalacaq. Bundan sonra evə buraxılacaq. Amma futbolçunun nə vaxt məşqə başlayacağını demək tezdi. Bu haqda həkimlərin son yoxlamalarından sonra deyə bilərik. Ağabala kəllə-beyin zədəsi almışdı - futbolçumuza bu diaqnoz qoyulmuşdu. Ümid edirik ki, tezliklə evə buraxılacaq. Bundan sonrakı mərhələnin hansı yöndə davam edəcəyinə həkimlər qərar verəcək”.
İLKİN SULTANLI
Digər xəbərlər
