Misli premyer-liqasının 12-ci turu da geridə qaldı.
“Football-plus.az” xəbər verir ki, həftə ərzində bir-birindən maraqlı 5 oyun izlədik. Cümə günü “ASCO Arena”dakı matçda “Səbail” “Turan Tovuz”u qəbul edirdi. Qonaqlar oyuna yaxşı başladılar. İlk hissədə son turların parlayan ulduzu olan Oto Con komandasını hesabda irəli keçirdi. Lakin fasilədən sonra “dənizçilər” toparlanmağı bacardı. 47-ci dəqiqədə Rüfət Abdullazadə, 78-ci dəqiqədə isə Aleksandr Ramalinqom fərqlənərək “Səbail”ə qələbə qazandırdı. Bu, “dənizçilərgin 2-ci dövrədə əldə etdiyi ilk qələbədi.

Şənbə günü Tofiq Bəhramov adına Respublika stadionunda qol yağışı var idi. Son çempion “Qarabağ” yaxşı günlərini keçirməyən “Kəpəz”i qəbul edirdi. Düzdü, bu oyun əslində Tovuzda keçirilməliydi. Lakin ağdamlılar PFL-dən xahiş edərək, gəncəlilərin də razılığını alaraq oyunun yerini dəyişməyi bacarmışdı. Çünki “köhlən atlar” cümə axşamı Avropa Liqasının qrup oyununda “Bayer-04”lə qarşılaşacaq. Məhz bu səbəbdən də görüş Bakıda keçirildi. Lakin ağdamlılar bu jestin cavabında “sarı-göylər”i darmadağın etdi – 7:1.

Günün ikinci matçında da gözlənilməz nəticə qeydə alındı. “Sumqayıt” “Araz-Naxçıvan” üzərində inamlı qələbə qazandı – 2:0. Samir Abasovun komandasının qələbəsini turun sürprizi saymaq olar. Çünki Azər Bağırovun rəhbərlik etdiyi kollektiv nəticələrə görə qarşılaşmanın favoriti sayılırdı. Lakin “kimyaçılar” inamlı qələbə ilə avrokuboklar yarışında “mən də varam” dedi.

Bazar günü ilk oyun Qəbələdə keçirildi. Yerli komanda “Neftçi”ni qəbul edirdi. İlk yarı çox maraqsız alındı. Fasilədən sonra isə flaqman daha istəkli oyun nümayiş etdirərək qələbə qazandı.
Həftənin son matçı Masazırda keçirildi. Paytaxt derbisində “Sabah”la “Zirə” üz-üzə gəldi. Gərgin keçən qarşılaşmanın taleyini 1 qol həll etdi. Rüstəm Əhmədzadə son dəqiqə qolu ilə “qartallar”a növbəti qələbəni qazandırdı. Rəşad Sadıqovun komandası üstün oyun nümayiş etdirməsə də, həftəni lider kimi tamamlaya bildi.

Misli premyer-liqası
2-ci dövrə, 12-ci tur
3 noyabr
Səbail – Turan Tovuz 2:1
4 noyabr
Qarabağ – Kəpəz 7:1
Sumqayıt – Araz-Naxçıvan 2:0
5 noyabr
Qəbələ - Neftçi 0:2
Sabah – Zirə 0:1
1. Zirə 12 7 3 2 12-7 24
2. Qarabağ​ 12 7 2 3 28-11 23
3. Səbail 12 6 3​3 21-18 21
4. Araz-Naxçıvan 12 6 2 4 15-13 20
5. Neftçi 12 5 3 4 13-10 18
6. Sumqayıt 12 5 3 4 12-13 18
7. Turan Tovuz 12 4 3 5 19-15 15
8. Sabah 12 3 4 5 15-15 13
9. Qəbələ 12 2 2​ 8 7-22 8
10. Kəpəz​12 1 3 8 6-24 6
Bombardirlər: Olavio Juninyo (Qarabağ) – 9, Aleksandr Ramalinqom (Səbail) – 6.
Növbəti turun oyunları
10 noyabr, 19.00. Araz-Naxçıvan – Kəpəz
11 noyabr, 16.30. Neftçi – Sumqayıt
11 noyabr, 19.00. Turan Tovuz – Sabah
12 noyabr, 16.30. Zirə - Qəbələ
12 noyabr, 19.00. Qarabağ – Səbail

İLKİN SULTANLI