Ötən həftə də Misli premyer-liqasında bir-birindən maraqlı 5 qarşılaşma izlədik. 8-ci tura “Azərsun Arena”da start verildi. Son çempion “Qarabağ” “Sumqayıt”ı qəbul edirdi. Əslində meydanda təkqapı oyun getdi. Ağdamlılar hücum qurur, qonaqlar isə onları izləyirdi. Təbii ki, belə oyunun nəticəsi də elə 5:0 olmalıydı.

Şənbə günü keçirilən ilk oyunda “Turan Tovuz” “Neftçi”ni qəbul edirdi. Rəsmi protokola görə qarşılaşmanı 5 min azarkeş arenadan canlı izləyib. Əsl premyer-liqa ab-havasında keçən görüşdə flaqman qələbə qazandı. Adrian Mutunun komandasının üstünlüyü ilə keçən oyunda yenə qolu Olanare vurdu.

Günün ikinci qarşılaşması daha gərgin keçdi. Paytaxt derbisində “Səbail” “Sabah”ı qəbul edirdi. Şahin Diniyevin komandası bu mövsüm yüksəlişdədi. “Dənizçilər” derbidən öncə 4 qarşılaşmanın hamısında qələbə qazanmışdı. Murad Musayevin rəhbərlik etdiyi komanda toparlanmaq üçün bu qarşılaşmada qələbə qazanmaq istəyirdi. İlk hissədə Yusif Nəbiyev vurduğu cərimə zərbəsi ilə “dənizçilər” hesabı açdı. Fasilədən sonra “bayquşlar” 2 qol vuraraq qarşılaşmada önə keçdi. Lakin 87-ci dəqiqə Mehremiç Diniyevin komandasının məğlubiyyətsiz oyunlar seriyasını 5-ə çatdırdı.
Bazar günü Gəncədə də maraqlı oyun keçirildi. Burda autsayderlər üz-üzə gəldi. “Kəpəz” “Qəbələ”ni qəbul edirdi. Görüş qarşılıqlı hücumlar şəraitində keçdi. Lakin daha yaxşı heyətə malik olan “Qəbələ” 1 qol sayəsində Gəncədən 3 xalla döndü. Bunun nəticəsində komanda sonuncu pillədən qurtularaq 8-ci sırada qərarlaşdı.

Həftənin son oyunu “Dalğa Arena”da keçirildi. Çempionatın sürpriz komandası olan “Araz-Naxçıvan” lider “Zirə”yə də gücünü göstərdi. Azər Bağırovun komandası bu görüşdə də qələbə qazanaraq avrokuboklara vəsiqəq uğrunda mübarizə apardığını göstərdi.

Misli premyer-liqası
1-ci dövrə, 8-ci tur
29 sentyabr
Qarabağ – Sumqayıt 5:0
30 sentyabr
Turan Tovuz – Neftçi 0:1
Səbail – Sabah 2:2
1 oktyabr
Kəpəz – Qəbələ 0:1
Araz-Naxçıvan – Zirə 1:0

1. Zirə 8 5 1 2 7-4 16
2. Qarabağ 8 5 1 2 16-6 16
3. Səbail 8 4 2 2 14-11 14
4. Araz-Naxçıvan 8 4 1 3 8-8 13
5. Neftçi 8 3 3 2 7-5 12
6. Turan Tovuz 8 3 2 3 11-9 11
7. Sumqayıt 7 2 2 3 7-10 8
8. Qəbələ 8 2 1 5 6-15 7
9. Sabah 7 1 3 3 10-11 6
10. Kəpəz 8 1 2 5 5-12 5

Bombardirlər: Olavio Juninyo (Qarabağ) – 5, Aleksandr Ramalinqom (Səbail) – 4.

Növbəti turun oyunları:
6 oktyabr, 18.00. Zirə - Turan Tovuz
7 oktyabr, 16.00. Qəbələ - Səbail
7 oktyabr, 18.00. Sabah – Araz-Naxçıvan
8 oktyabr, 16.30. Sumqayıt – Kəpəz
8 oktyabr, 19.30. Neftçi – Qarabağ

İLKİN SULTANLI