Jaber mükafatından fələstinlilər üçün pul ayıracaq
Hazırda Meksikada qadın tennisçilər arasında WTA yekun turniri keçirilir.
"Football-plus.az" xəbər verir ki, iştirakçılar arasında olan Ons Jaber ilk oyunda çexiyalı Marketa Vondrouşovaya qalib gəlib – 6:4, 6:3. Tunisli tennisçi qələbənin ardından belə açıqlama verib:
“Hər gün uşaqların, körpələrin necə oldüyünü görmək çox ağırdı. Adamın qəlbi parçalanır. Bu üzdən mükafat fondundan mənə çatacaq pulun bir hissəsini fələstinlilərə yardım fonduna ianə edəcəm. Bağışlayın məni. Tennis haqda danışmalı olduğumu bilirəm. Ancaq hər gün eyni videolara baxmaq çox ağırdı. Bu siyasi bəyanat deyil, sadəcə, insanlıqdı. Mən bu dünyada sülh istəyirəm, vəssalam”.
Digər xəbərlər
