Londonda keçirilən “Böyük dəbilqə” seriyalı turnirdən dərhal sonra dünyanın kişi və qadın tennisçilərinin ənənəvi həftəlik reytinq cədvəli açıqlanıb.

"Football-plus.az" xəbər verir ki, Peşəkar Tennisçilər Assosiasiyasının (ATP) açıqladığı reytinqin ilk “10-luğ”unda heç bir dəyişiklik yoxdu.

Xatırladaq ki, “Uimbldon”un finalında dünya kişi tennisinin 1 nömrəsi Karlos Alkaras 2 nömrəli Novak Cokoviçi məğlub edib. Bu üzdən ispaniyalı reytinqdə liderliyi qoruyub.

Qadınların Tennis Assosiasiyası (WTA) da yenilənmiş reytinqi açıqlayıb. İlk “10-luq”la bağlı ən önəmli məqam rusiyalı Darya Kasatkinanın buranı tərk etməsi və yerini Marketa Vondrouşovaya verməsidi. Buna qədər reytinqdə 42-ci olan çexiyalı xanımın “Uimbldon”un finalında Ons Jaberə qalib gəldiyini nəzərə alsaq, belə tərəqqidə qəribə heç nə yoxdu.

АТР reytinqi
1 (1*). Karlos Alkaras (İspaniya) 9675
2 (2). Novak Cokoviç (Serbiya) 8795
3 (3). Daniil Medvedev (Rusiya) 6520
4 (4). Kasper Ruud (Norveç) 5005
5 (5). Stefanos Sisipas (Yunanıstan) 4850
6 (6). Holger Rune (Danimarka) 4825
7 (7). Andrey Rublev (Rusiya) 4525
8 (8). Yannik Sinner (İtaliya) 3975
9 (9). Teylor Frits (ABŞ) 3310
10 (10). Frensis Tiafo (ABŞ) 3130
WTA reytinqi
1 (1). İqa Sventek (Polşa) 9315
2 (2). Arina Sobolenko (Belarus) 8845
3 (3). Yelena Rıbakina (Qazaxıstan) 5465
4 (4). Cessika Pequla (ABŞ) 5395
5 (5). Karolin Qarsiya (Fransa) 4865
6 (6). Ons Jaber (Tunis) 4846
7 (7). Kori Qauff (ABŞ) 3390
8 (9). Petra Kvitova (Çexiya) 3341
9 (8). Mariya Sakkari (Yunanıstan) 3310
10 (42). Marketa Vondrouşova (Çexiya) 3106
* - əvvəlki reytinqdəki yerini göstərir.