Qadın tennisçilərin şikayətlənmək üçün əsası varmı?
“Böyük dəbilqə” seriyasından olan 39 turnirin qalibi Billi Cin Kinq son vaxtların aktual mövzularından biri ilə bağlı fikir bildirib.
"Football-plus.az" xəbər verir ki, bildiyiniz kimi, idmanda gender bərabərliyi, xüsusən də mükafat fondunun kişi və qadın tennisçilər arasında bərabər bölünməməsi mövzusunda müzakirə açılıb. Xanım tennisçi bu mövzuya belə münasibət bildirib:
“52 il əvvəl bir turnirdə 4 min dollar qazanmaqla il ərzində 100 min dollar mükafat alan ilk qadın idmançı oldum. Bu gün isə “Forbes”in suyahısında yer alan, ən çox pul qazanan 10 qadın idmançıdan yeddisi tennisçidi. Belə uzun bir yol keçmişik, ancaq iş davam etməlidi”.
Billi Cin Kinq doğru deyir. “Forbes”in ötən il üçün hazırladığı ən çox pul qazanan qadın idmançıların “10-luğ”una bu tennisçilər düşüb: Naomi Osaka (1-ci yer), Serena Uilyams (2), Emma Radukanu (4), İqa Sventek (5), Venus Uilyams (6), Kori Qauff (7), Cessika Pequla (9).
Digər xəbərlər
