''Qalatasaray''da ''Bavariya'' ilə oyunöncəsi çox ciddi itki baş verib.

“Football-plus.az” xəbər verir ki, Fernando Muslera dünən ''Kasımpaşa'' ilə oyunun 57-ci dəqiqəsində zədələnərək kənara gəldi. Onu əvəzləyən Günay Güvənç meydana çıxmaqla ''Cim-Bom''da debüt etdi. Təbii ki, oyundan sonra bütün camiəni məhşur qapıçının durumu maraqlandırırdı. Klubun baş həkimi Yenər İncə jurnalistlərin önünə çıxaraq şok xəbəri çatdırdı. O, Musleranın dirsəyinin çıxdığını və meydandakı ilkin müdaxilə ilə dirsəyin yerinə yerləştirildiyini bildirərək bunları dedi: ‘Sabah Musleranı geniş müayinədən keçirəcək və qolunu rentgen edəcəyik. Orda başqa bir problemin olub-olmadığına baxacağıq. Belə anlarda bəzən heç bir ciddi problem yaşanmır. Çıxığın sadəcə yerinə salınması kifayət edir. Amma elə də olur ki, Allah qorusun, kiçik bir qırığ yaranır və məsələ uzanmağa başlayır. Sabah bütün suallara aydınlıq gələcək''. Hələlik 37 yaşlı qapıçının hansı müddətə sıradan çıxması barədə məlumat yoxdu.

Xatırladaq ki, 3 gündən sonra, noyabrın 8-də ''Qalatasaray''ı səfərdə ''Bavariya''ya qarşı çox çətin oyun gözləyir.

ƏLİ