İdman Arbitraj Məhkəməsinin mətbuat xidmətinin yaydığı açıqlamada deyilir:
“CAS arbitraj araşdırmasına başlayıb. Davranış məcəlləsinə uyğun olaraq, tərəflər yazılı bildirişlər verir, həmçinin bu məsələ ilə bağlı qərar verəcək hakimlər kollegiyası formalaşır”.
Xatırladaq ki, ITIA sentyabrın 12-də rumıniyalı tennisçini antidopinq qaydalarını pozduğuna görə 2026-cı ilin oktyabrına qədər cəzalandırıb. Xanım tennisçi iki bənd üzrə ittiham olunur: ötənilki “US Open”dən sonra dopinq-test analizinin müsbət nəticələnməsinə və bioloji pasportundakı pozuntuya görə. Sentyabrın 22-də isə Halep cəzalanmasına səbəb olan bioəlavəni istehsal edən şirkəti məhkəməyə verib.
