Ümumdünya Antidopinq Agentlininin qadağan etdiyi roksadustat preparatının tennisçi Simona Halepin orqanizminə necə düşdüyü məlum olub.

Football-plus.az xəbər verir ki, Rumıniyanın “Prosport” nəşrində yer alan məlumata inansaq, həmin preparat idman qidasının tərkibindəymiş.

Həmkarlarımız iddia edir ki, qida əlavəsinin qablaşdırmasında tərkibində roksadustat olduğu göstərilməyib. Bu üzdən Halep Beynəlxalq Tennis Etikası Agentliyinə müraciət edərək təcili dinləmələrin təşkil olunmasını istəyib.

Rumıniyalı tennisçi bu ilin avqustunda keçirilən ABŞ Açıq Tennis Çempionatı zamanı dopinq-testdən keçib. A nümunəsində yasaq roksadustat preparatı açıqlanıb. Belədə 31 yaşlı tennisçi B nümunəsinin də yoxlanılmasını istəyib. Ancaq bu nümunə də qayda pozuntusunu təsdiqləyib.

Halep WTA bayrağı altında keçirilən 24 fərdi turnirin qalibidi. O, həminin 2018-də keçirilən “Rolan Qarros”da və 2019-da keçirilən “Uimbldon”da 1-ci yeri tutub.