Rumıniyalı tennisçi, “Böyük dəbilqə” turnirlənini ikiqat qalibi Simona Halep dopinq qəbuluna görə diskvalifikasiya olunandan sonra “Schinoussa Superfood” bioəlavəsini istehsal edən şirkəti məhkəməyə verib. Onun vəkili Boqdana Stoitsa “Digi Sport”a belə deyib:

"Football-plus.az" xəbər verir ki, yuxarıda adı çəkilən qaynağa inansaq, tennisçiyə dəyən ziyanın həcmi 10 milyon dollardan artıqdı. Halep yarışlardan kənarlaşdırılana qədər təkcə sponsorluq müqavilələri üzrə ildə 4 milyon dollar qazanırdı. “Forbes” isə bildirir ki, 31 yaşlı Halep 2020-ci ildə WTA yarışlarına qatılan tennisçilər arasında ən yüksək ödənişlilər siyahısında 4-cü olub, onun illik qazancı 10,9 milyon dollar təşkil edib.

Xatırladaq ki, sentyabrın 12-də tennisdə ədalətin təmin olunması üzrə Beynəlxalq Agentlik antidopinq qaydalarını pozduğuna görə rumıniyalını 2026-nın oktyabrına qədər cəzalandırıb. Halep iki qayda pozuntusunda suçlanır. Bunlardan birincisi ötənilki “US Open”dən sonra verdiyi dopinq-test zamanı qanında yasaq maddə tapılması, ikincisi isə bioloji basportundakı pozuntu ilə bağlıdı.

Halep cəzalanmasıyla bağlı qərara görə İdman Arbitraj Məhkəməsinə müraciət edəcək. Ancaq hələ ki idman mübahisələrinin həlli üzrə müstəqil agentliyin qərarını gözləyir.