''Real'' dünən La Liqanın 11-ci turu çərçivəsində Cud Bellingemin qolları sayəsində səfərdə ''Barselona''nı 2:1 hesabı ilə məğlub etdi.

"Football-plus.az" xəbər verir ki, ''El Klasiko'' eyni zamanda Karlo Ançelottinin Madrid nəhənginin başında keçirdiyi yubiley - 250-ci qarşılaşma oldu. Xatırladaq ki, təcrübəli italiyalı mütəxəssis ''Kral klubu''nun başında 5-ci mövsümünü keçirir. Oyun sayına görə hələ ki, Ançelotti klub tarixində 3-cü pillədədi. Amma tezliklə 2-ci pilləyə yüksələcək. Çünki həmin pillədə qərarlaşan Zinəddin Zidan ''Real''ın başında 263 oyun keçirib. Bu göstəricidə lider isə ötən əsrin 60-70-ci illərində 15 il klubu çalışdırmış və ümumilikdə 605 oyuna çıxmış Migel Munyosdu. ''Real'' Ançelottinin başçılığı altında 163-ü La Liqa, 53-ü ÇL, 22-si ölkə kuboku, 6-sı ölkə superkuboku, 4-ü Klublararası DÇ və 2-si Avropa superkuboku olmaqla keçirdiyi 250 oyundan 180 qələbə, 32 heç-heçə, 38 məğlubiyyətlə ayrılıb. Müqayisə üçün bildirək ki, Zidan klubun başında 250-ci oyununda 165 qələbə qazanmışdı. Qələbə faizinə görə Ançelotti ''Real'' tarixinin ən yaxşı məşqçisidi.

ƏLİ