İspaniya Superkubokunda “Barselona” “Real”a 3:1 hesabı ilə qalib gəldi.

Football-plus.az xəbər verir ki, Ançelottinin komandaları 2010-dan bəri ilk dəfə finalda uduzdu. İtaliyalı mütəxəssisin çalışdırdığı komandalar son 13 ildə həlledici oyunda məğlubiyyətlə üzləşmirdi. Sonuncu belə uğursuzluq 2010-un avqustunda qeydə alınmışdı. Onda Ançelottinin “Çelsi”si İngiltərə Superkuboku uğrunda oyunda “Mançester Yunayted”ə uduzmuşdu.

Ançelottinin uğurlu seriyası 2014-də “Real”la İspaniya kubokunu qazanmaqla başlamışdı. Ardından o, madridlilərlə Çempionlar Liqasını, Avropa Superkubokunu və klublararası dünya çempionatını qazanmışdı. Sonra “Bavariya”ya yollandı və Almaniya Superkuboku uğrunda iki finalda qalib gəldi.

“Real”a dönəndən sonra isə ÇL-in, İspaniya Superkubokunun və Avropa Superkubokunun finalında sevindi.