"İki görüşdə də çox yaxşı oynadıq. Uşaqlarla fəxr edirəm. Komandamız sona kimi meydanda döyüşdü. Rəqibə gəlincə, həqiqətən də yaxşı kollektiv idi. Əla mübarizə apardılar. Heyətdə olanlar gənclər idi. Onların bizdən üstün cəhəti rəsmi oyunlar keçirməsi idi. Bax, bizim də əskiyimiz bu idi.  Gördüz ki, özüm də oyunda çox emosional idim. Çünki hər xırda səhvlər istər-istəməz adamı özündən çıxarırdı. Hətta meydana girib oynamaq istəyirdim. Amma qalib gəlməyi bacardıq. Növbəti rəqibimiz turnirin son finalçısı "Panatinaikos"du. Yarışın iddialı komandalarından biridi. Yunanlar hələ rəsmi oyun keçirməyib. Buna görə də əlimizdən oyunları izləməyə material yoxdu. Lakin sizi inandırım ki, "Spartak" Yunanıstan təmsilçisindən daha yaxşıdı. Mən həmişə komandama inanmışam. Düşünürəm ki, mərhələni adlaya biləcəyik".

"Gərgin oyun keçdi. İlk oyunda set vermədən qalib gəlməyimiz və cavab qarşılaşmasında aldığımız iki set bizə növbəti mərhələni gətirdi. Lakin biz rahatlaşmadıq və bu matçdan qələbə ilə ayrıldıq. Komandamızın heyətini, rəhbərliyi, federasiyanı, bütün xalqımızı təbrik edirəm. Azarkeşlər hər iki görüşdə çox möhtəşəm idi. İndi məqsədimiz "Xarı Bülbül"ün adını daha da yüksəklərə qaldırmaqdı".