"Sentyabrın 1-dən hazırlığa start vermişdik. Avrokuboklara kimi 7 yoxlama oyunu keçirmişik. Uşaqlardan razıyam. Hər şey əladı, itkilərimiz yoxdu. Sadəcə, yüngül xəstəliyi olan bir neçə oyunçumuz var. Onlar da matça qədər hazır olacaqlar. Rəqibin həyətindəki oyunçular iki-üç ildi birlikdə oynayırlar. Mənə görə, onların oyunçuları bir-birini anlamaq baxımından bizdən üstündü. Lakin bizim də təcrübəli simalarımız var. İndi slovakların son çempionat oyununun videoyazısına da baxacağıq. Bilirsiz ki, voleybolda bir az fərqlidi. Çünki hər komanda oyunlara müxtəlif tərzdə hazırlaşır. Bəzən elə olur ki, bu oyunda yaxşı oynayan voleybolçu növbəti matçda zəif çıxış edir. İndi bu detallar üzərində işləyəcəyik. Uşaqlara inanıram. Məqsədimiz ölkə çempionu olmaq və avrokuboklarda daha da irəli getməkdi. Çünki bu turnirdə "Qalatasaray", "Panatinaikos" və "Montsa" kimi əjdahalar var. Buna görə də bu yarışda çox güclü rəqabət gedəcək. Biz də təmsil etdiyimiz doğma Şuşanın adını Avropada tanıtmaq niyyətindəyik".