“Xarı Bülbül” Şuşanın adını ucaltdı
Bu mövsüm ölkəmizi Çağırış kubokunda təmsil edən kişi voleybolçulardan ibarət “Xarı Bülbül” dünən ilk görüşə çıxıb.
Bilindiyi kimi, komanda Dərnəgüldəki Voleybol Mərkəzində Slovakiya “Spartak”ını qəbul edib. Şuşalılar yalnız 3-cü setdə əziyyət çəkib – 3:0 (25:23, 25:21, 27:25). “Xarı Bülbül”ün baş məşqçisi Ziya Rəcəbov oyundan sonra “Football-plus.az"a bunları dedi:
"Qələbə qazanmışıq. Çox sevinirik. Bizim də məqsədimiz rəqibə set vermədən matçı udmaq idi. Şükür ki, belə də oldu. Sabah bizi çətin oyun gözləyəcək. Bu mövsüm ilk rəsmi oyunumuza çıxdıq. Lakin rəqib artıq çempionatda oyun keçirib. Oyunçuları, xalqımızı təbrik edirəm. İnşallah, bundan da yaxşı qələbə qazanıb ölkəni sevindirərik".
Cavab görüşü də bu gün eyni yerdə keçiriləcək. Slovakların nominal meydan sahibi olacağı oyun saat 18.00-da start götürəcək.
Digər xəbərlər
