Çempionlar Liqasında 1/4 finalın ilk oyunlarından sonra həftənin ən yaxşı futbolçusu müəyyənləşib.

UEFA-nın saytının məlumatına görə, bu ada “Real”ın hücumçusu Kərim Benzema layiq görülüb. Fransalı futbolçu azarkeşlər arasında keçirilən səsvermədə Covani Lo Çelso (Vilyarreal), Luis Dias (Liverpul) və Kevin De Bruyneni (Mançester Siti) arxada qoyub. Benzema “Çelsi” ilə səfər oyununda het-trik etməklə komandasının 3:1 hesablı qələbəsində böyük rol oynamışdı.

Çempionlar Liqasında həftənin ən baxımlı qolunun müəllifinin kimliyi də müəyyənləşib. Fərdi mükafata 4 oyunçu - Kərim Benzema (Real), Sadio Mane (Liverpul), Kevin De Bruyne (Mançester Siti) və Kay Haverts (Çelsi) iddia edirdi. Qalib UEFA-nın rəsmi saytında azarkeşlər arasında keçirilən sorğu nəticəsində müəyyənləşib. Benzemanın “Çelsi”yə vurduğu ilk qol daha çox səs toplayıb. Beləliklə, “Real”ın hücumçusu iki nominasiyada hamını arxada qoyub.