"Bunu öz vətənimizdə müzakirə etsək, yaxşı olar"
Avropa Liqasının qrup mərhələsinin 3-cü turunda "Qarabağ" "Bayer-04"ə uduzub - 1:5.
"Football-plus.az" xəbər verir ki, matçdan sonra ağdamlıların çalışdırıcısı Qurban Qurbanovun mətbuat konfransı keçirilib. Sizi onun fikirləri ilə tanış edirik:
"Çox yaxşı komandaya məğlub olduq. Rəqibi təbrik edirəm. Bu cür futbol oynadıqları üçün onlara azarkeşlik edə bilərik. Futbolçularım çox əziyyət çəkdilər. Müdafiədə oturmaq istəmirdik. Boşluqlar verdik. "Bayer" topla çox yaxşı davranırdı. Bu gün gördük ki, səviyyə fərqi var. Nəticə göstərdi ki, onlar bizdən çox yuxarıdadı".
- Hesab səviyyə fərqinin göstəricisidi?
- Yox deməzdim. Bu gün 5 qol vurublarsa, bu, onların bacarığıdı. Problem bizdə deyildi, onlarda idi. "Bayer" çox yaxşı komandadı. Öz oyun sistemlərini yaxşı yerinə yetirirdilər.
- Növbəti turda "Molde" qələbə qazansa, xallar bərabərləşəcək. Cavab görüşündə "Bayer"dən xal almaq mümkündümü?
- Dünən də bildirdim ki, alman komandaları heç bir oyuna arxayın çıxmırlar. Xabi Alonso istəyir ki, öz oyununu daha da yaxşılaşdırsın. Belə oyunlar onun üçün çox böyük şansdı. İnanmıram ki,onlar Bakıda meydana arxayın çıxsınlar.
- Azərbaycan klublarının bu cür rəqiblərlə oynaması üçün nə lazımdı?
- Məncə, bu gün bu, müzakirə mövzusu deyil. Özünüz çox gözəl bilirsiniz. Reallığa baxmalıyıq. Səviyyə fərqi elə-belə deyil. Bunu öz vətənimizdə müzakirə etsək, yaxşı olar.
- Julio Romaonun 90 dəqiqə meydanda qalmasının səbəbi nə idi?
- Səbəbi yoxdu. Futbolçular hansısa epizodda çatmırdılarsa, o demək deyil ki, zəif oynayırdılar. Rəqibin də bacarığını nəzərə almaq lazımdı. Romaonun belə oyunlarda meydanda olması lazımdı.
Digər xəbərlər
