Bu tura qədər bu qrupda vəziyyət çox qarışıq idi. 4 komanda iddiasını davam etdirirdi.

“Football-plus.az” xəbər verir ki, Qazaxıstanla Finlandiyanın əsl gücünə məhz bu tur aydınlıq gəlməliydi. Gözlənildiyi kimi, bu komandalardan heç birinin süprizə gücü çatmadı. Qazaxlar martda Danimarka ilə ev oyununda tarixi geridönüşə imza ataraq bütün futbol dünyasını şoka salmışdılar. Amma bu dəfə sürpriz yaşanmadı. Sürpriz elə ona görə maraqlıdı ki, gec-gec olur... Danimarkalılar ilk yarıda fenomenal oynamasalar da, təcrübənin hesabına 2 top vuraraq intriqanı öldürdülər. Fasilədən sonra hesab hətta darmadağın həddinə çatdı. Düzdü, qazaxlar yekunda darmadağından qurtuldular. Amma bu, heç nəyi dəyişmədi. Qazaxıstandan fərqli Finlandiya Sloveniyada heç təsəlli qolunu da vura bilmədi. Meydan sahibləri yeni gənc ulduzları Şeşkonun dubl etdiyi qarşılaşmada inamlı qələbə qazandılar. Sloveniya ilə Danimarkanın bu gün qrupun autsayderləri ilə qarşılaşacaqlarını nəzərə alsaq, artıq bundan sonra bu qrupda bu iki komandanın şansı əldən verəcəyi inandırıcı görünmür.

H qrupu, 7-ci tur
Danimarka – Qazaxıstan 3:1 (2:0)
Danimarka: Şmehyel, Mehle, Andersen, Kyaer, A.Kristensen, Skov (R.Kristensen, 69), Höybyerq, Eriksen, Dolberq (Poulsen, 69), Vind (Nörqor, 83), Höylunn (Lindström, 90+2).
Qazaxıstan: Şatski, Kairov, Maroçkin, Bıstrov, Alip, Dosmaqambetov (Voroqovski, 46), Beysebekov (Kuat, 62), Zaynutdinov (Darabayev, 75), Orazov, Samorodov (Çesnokov, 80), Aymbetov (Taqıberqen, 46).
Qollar: Vind, 35 (1:0). Skov, 45+1 (2:0). Skov, 48 (3:0). Voroqovski, 58 (3:1).
Vərəqələr: A.Kristensen, 23. Kyaer, 27. Alip, 85 – sarı.
Hakim: Maykl Oliver (İngiltərə).
14 oktyabr. Kopenhagen. 35845 tamaşaçı.
Sloveniya – Finlandiya 3:0 (2:0)
Sloveniya: Oblak, Karniçnik, Blajiç, Biyol, Yanza, Stoyanoviç (Qorenç-Stankoviç, 90), Qnezda Çerin, Elsnik, Mlakar (Verbiç, 80), Şporar (Kurtiç, 80), Şeşko (Vipotnik, 60).
Finlandiya: Qradetski, Alho, İvanov (Forss, 77), Hoskonen, Vaisanen, Uronen, Kairinen Şüller (Hakans, 46), Kallman (Pohyanpalo, 46), Kamara, Pukki.
Qollar: Şeşko, 16-p. (1:0). Şeşko, 28 (2:0). Yanza, 90+2 (3:0).
Vərəqələr: Yanza, 10. Kallman, 34 – sarı.
Hakim: Daniel Şlager (Almaniya).
14 oktyabr. Lyublyana. 15823 tamaşaçı.
Şimali İrlandiya – San Marino 3:0 (2:0)
Şimali İrlandiya: Hazard, Hyum, Ballard, Evans (Vaşinqton, 63), Lyuis (Marşall, 79), Makneyr, Ş.Çarls, Tompson, Smit (Prays, 63), Teylor (Spenser, 79), Magennis (Makmenamin, 63).
San Marino: Benedettini, M.Battistini, Fabbri, Di Mayo, Rossi, Françiosi (Lunadei, 46), Kapiççioni (Mularoni, 76), A.Qolinuççi, Latsari (Çeççarolli, 88), Nanni, Vitayoli (D`Addario, 60).
Qollar: Smit, 5 (1:0). Magennis, 11 (2:0). Makmenamin, 81 (3:0).
Vərəqələr: Lyuis, 43. Vaşinqton, 64. Makneyr, 90+4 – sarı.
Hakim: Bram van Drisske (Belçika).
14 oktyabr. Belfast. 17886 tamaşaçı.
1. Sloveniya 7 5 1 1 16-6 16
2. Danimarka 7 5 1 1 15-6 16
3. Finlandiya 7 4 0 3 11-7 12
4. Qazaxıstan 7 4 0 3 10-8 12
5. Şimali İrlandiya 7 2 0 5 7-8 6
6. San Marino 7 0 0 7 0-24 0
17 oktyabr: Finlandiya – Qazaxıstan, Şimali İrlandiya – Sloveniya, San Marino – Danimarka.