Astanadakı qarşılaşma hər iki komanda üçün böyük əhəmiyyət daşıyırdı.

"Football-plus.az" xəbər verir ki, seçmə mərhələyə məğlubiyyətlə başlayandan sonra ardıcıl 3 qələbə qazanaraq 9 xal toplayan Qazaxıstanın vahid liderliyi ələ keçirmək üçün gözəl şansı var idi. Amma Maqomed Adiyevin komandası bu dəfə ümidləri doğrulda bilmədi. Qazaxıstan qələbə bir yana, hesabına xal da yaza bilmədi. Daha təcrübəli finlər oyunun sonlarına yaxın qələbə qolunu vurmağa müvəffəq oldular. Bu seçmə mərhələdə artıq 3-cü qolunu vuran 22 yaşlı yarımmüdafiəçi Antman komandasının qəhrəmanına çevrildi. Qələbə seriyası qırılan qazaxlar birdən-birə 4-cü pilləyə gerilədilər. Çünki Danimarka və Sloveniya turu 3 xalla tamamladı. Danimarkalılar, gözlənildiyi kimi, San Marino ilə ev oyununda ciddi çətinlik çəkməyərək artıq ilk yarıda intiranı öldürdülər. Lyublyanadakı oyun isə “qol yağışına” səhnə oldu. Şimali İrlandiyanın hər qoluna 2 qolla cavab verən Sloveniya mühüm qələbə qazandı. İndi Qazaxıstan ilk iki pilləyə olan iddiasını davam davam etdirmək üçün növbəti tur mütləq evdə Şimali İrlandiyanı yenməlidi.

H qrupu
Qazaxıstan – Finlandiya 0:1 (0:0)
Qazaxıstan: Şatski, Skvortsov (Tapalov, 66), Maroçkin, Bıstrov, Alip, Voroqovski (Dosmaqambetov, 82), Taqıberqen, Darabayev (Orazov, 66), Zaynutdinov (Çesnokov, 82), Kuat, Aymbetov (Samorodov, 46).
Finlandiya: Qradetski, Alho, İvanov, Hoskonen, Yensen, Kairinen, Şüller (Kamara, 67), Niskanen, Pukki (Kallman, 67), Antman (Teylor, 85), Pohyanpalo.
Qol: Antman, 78.
Vərəqələr: Samorodov, 60. Çesnokov, 87 – sarı.
Hakim: Radu Marian Petresku (Raumıniya).
7 sentyabr. Astana. 30019 tamaşaçı.
Danimarka – San Marino 4:0 (3:0)
Danimarka: Şmehyel, Strüger Larsen, Kyaer, Andersen, Mehle, Yensen (Hyulmann, 59), Eriksen, Höybyerq (Höylunn, 59), Olsen (Breytveyt, 59), Vind (Poulsen, 82), Lindström (Vallis, 72).
San Marino: Benedettini, Manuel Battistini (D`Addario, 66), Françiosi, Di Mayo, Rossi, Tosi (Maci, 90), A.Qolinuççi, Kapiççioni, Latsari (Mularoni, 85), Çeççaroli (Vitayoli, 46), Tomassini (Hirş, 66).
Qollar: Höybyerq 26 (1:0). Mehle, 28 (2:0). Vind, 40 (3:0). Eriksen, 90+3 (4:0).
Vərəqə: yoxdu.
Hakim: Vitali Spasyonnikov (Latviya).
7 sentyabr. Kopenhagen. 36262 tamaşaçı.
Sloveniya – Şimali İrlandiya 4:2 (3:1)
Sloveniya: Oblak, Karniçnik, Brekalo, Biyol, Yanza (Belkovets, 85), Stoyanoviç, Qnezda Çerin, Elsnik (Lovriç, 90), Mlakar (Kurtiç, 74), Şporar, Şeşko (Vipotnik, 85).
Şimali İrlandiya: Pikok-Farrell, Hyum, Makneyr, Evans, Braun (Katkart, 20/Smit, 76), Ş.Çarls, Savill, Kennedi (Vaşinqton, 46), Prays (Makkan, 64), D.Çarls (Magennis, 46), Makmenamin.
Qollar: Şporar, 3 (1:0). Prays, 7 (1:1). Evans, 17-öz qapısına (2:1). Şeşko, 42 (3:1). Evans, 53 (3:2). Şporar, 56 (4:2).
Vərəqələr: Prays, 48. Ş.Çarls, 58. Makkan, 90+3. Brekalo, 90+5 – sarı.
Hakim: Marko Quida (İtaliya).
7 sentyabr. Lyublyana. 12587 tamaşaçı.
1. Finlandiya 5 4 0 1 11-3 12
2. Danimarka 5 3 1 1 11-5 10
3. Sloveniya 5 3 1 1 9-6 10
4. Qazaxıstan 5 3 0 2 8-5 9
5. Şimali İrlandiya 5 1 0 4 4-7 3
6. San Marino 5 0 0 5 0-17 0
10 sentyabr: Qazaxıstan – Şimali İrlandiya, Finlandiya – Danimarka, San Marino – Sloveniya.