Belarus yığmasının baş məşqçisi Georgi Kondratyev yığmamızla oyuna belə münasibət bildirdi: “İlk yarı ağır keçdi, texniki səhvlərimiz çox idi. Oyunun gedişində sxemi dəyişmək lazım gəldi. Ondan sonra normal oynamağa başladıq. Görürsüz ki, imkanlarımız olur, ancaq qapıya düşə bilmirik. Elə hey yandan vururuq. Hərçənd rəqib də qol vura bilərdi. Bütün problemlərimizin başında texniki səhvlər dayanır. Hücumçu çatışmazlığı var. Qromıkonu irəlidə oynatmalı oldum, amma o hücumçu deyil. Hesab oyuna görədi? Rəqib heç bir sürpriz etmədi, ancaq hesab 0:0 oldusa... Futbol ədalətli oyundu, futbolda vacib olan qol vurmaqdı. Buna görə də qol vuran oyunçulara dəyər verilir. Qol yoxdusa, qələbə də heç vaxt olmayacaq. Qol vura bilmirik - ən böyük bədbəxtliyimiz budu. Həmişə qələbə qazanmağa çalışırıq, ancaq rəqib də meydana bunun üçün çıxır. Meydanda sərt mübarizə getdi, çoxlu vərəqə qeydə alındı. Yəqin baxımlı futbol alınmadı, ancaq yüksək gərginlikli mübarizə izlədik”.