"Bizim komandanın vəziyyəti yaxşıdı. Doxsan faiz mövsümə hazırıq. Kollektiv də yenidi. Ötən il "Gəncə"də mənimlə birlikdə çıxış edənlərdən yalnız Vüqar Məmişov bizə qoşuldu. Ötən mövsüm "Gəncə"ni həm kubokda, həm də çempionatda favorit göstərən Cəbrayıl Əkbərov, Əkbər Məmmədov kimi güclü yerli oyunçuların olması idi. İndi isə belə üstünlüyümüz yoxdu. Bir aydı məşqlərə başlamışıq. Ancaq sevindirici hal odu ki, gənclərdə inkişaf, dəyişiklik var. Məqsədimiz uğur qazanmaqla paralel şəkildə gənc basketbolçular da yetişdirməkdi. Bunun da nəticəsini uşaqlarda görürük. İnşallah, başqa komandalarda da belə olar. Hazırda ölkə basketboluna gənc oyunçular çox lazımdı".

"Kollektivimiz yaxşıdı. Legionerlər komandaya uyğunlaşır. Fikrimcə, bir-iki zəif nöqtəsi olan əcnəbi oyunçular var. Ancaq öz üzərimizdə düzgün şəkildə işləsək, rəqibi yaxşı təhlil etsək, zəif nöqtələri bağlaya bilərik. Hazırda əsas diqqətimizi müdafiəyə yönəltmişik. Bu zonaya uyğun xüsusi məşqlər edirik. Fikrimcə, zədə və fors-major hadisə olmasa, bizim üçün uğurlu mövsüm olacaq. Çempionatın favorit komandalarından biri də bizik".