“Gəncə” silkələnir: Meriç gəlir, rəhbərlikdə dəyişiklik olacaq

Ötən mövsüm basketbol üzrə ölkə kubokunun qalibi olan “Gəncə”ni yayda 9 oyunçu tərk etdi.

Bunlar yerlilərdən Amil Həmzəyev, Əkbər Məmmədov, Cəbrayıl Əkbərov, Vüqar Məmişov, İslam Rzayev, legionerlərdən Kolin Törner, Cared Smoll, Cordan Endryus və Kalen Qadi idi. Bəs, görəsən, yeni mövsümdə komanda əvvəlki iddiasını qoruyacaqmı?

“Football-plus.az”a klubla bağlı üç xəbər daxil olub. Belə ki, “sarı-göylər”in rəhbərliyində dəyişilik olacağı gözlənilir. İkinci xəbər budu ki, komanda hələ ki adı açıqlanmayan amerikalı basketbolçu ailə anlaşıb. Onunla yaxın günlərdə rəsmi müqavilə bağlanacaq. Digər xəbər isə haqqında daha əvvəldən məlumat verdiyimiz türkiyəli baş məşqi Levent Bedri Meriçlə bağlıdı. O, sabah klubla müqavilə bağlamaq üçün Azərbaycana gələcək.

CAVİD ƏLİYEV