“Heyətimiz tam hazırdı. Bütün oyunçular komandaya qoşulub. Məşqlərə də bir həftə əvvəl başladıq. Hazırkı heyətlə yolumuza davam edəcəyik. Bəlkə gələcəkdə komandada dəyişiklik ola bilər. 6 amerikalı və 7 yerli oyunçumuz var. Legionerlər Andre Platek, Cordan Perkins, Mark Vital, Şak Qudvin, Jeremi Mklauqlin, Kobe Conson, yerlilər isə Amil Həmzəyev, Səid İsmayılov, Əli Həsənov, Rəsul Məmmədzadə, Yavər Abbasov, Vüqar Məmişov və Orxan Süleymanlıdı. Yeni komandayıq. Məqsədimiz yaxşı oyun göstərməkdi. Müdafiə və hücum cəhətdən yaxşı komanda olmalıyıq. Çox çalışmalıyıq. Çünki çempionarda “Sabah”, NTD və “Neftçi” kimi güclü rəqiblər var. Azərbaycanda basketbol inkişaf edir. Təbii ki, hədəfimiz çempionluqdu. Bu kluba federasiyada işləyən dostumun səyəsində gəlmişəm. Birlikdə oturub plan qurduq və birillik müqavilə imzaladım. Buna görə də burdayam. Maliyyə durumu haqda məlumatım yoxdu. Ancaq Azərbaycan Basketbol Federasiyası bizə dəstək olur. Bir-iki sponsorun da olacağı gözlənilir. İnşallah, hər şey yaxşı olacaq”.