Bəs yeni mövsümdə komandanın taleyi necə olacaq? Bununla bağlı klubun mətbuatla əlaqələndiricisi Azad Mustafayevə müraciət etdik. Onun "Football-plus.az"a söylədikləri:
“Sizin də bildiyiniz kimi, komandada dəyişiklik var. “Gəncə”nin əsas siması Amil Həmzəyev də kollektivimizi tərk etdi.Yeni baş məşqçi türkiyəli Levent Bedri Meriç təzə komanda formalaşdırmaq üçün çalışır. Bəzi basketbolçularla danışıqlar gedir. Bizim də əsas istəyimiz komandanın ötən mövsümdəki kimi iddialı olmasıdı. Gələn həftənin sonunda Azərbaycan Basketbol Federasiyasının klublarla iclası olacaq və orda “Gəncə” ilə bağlı suallara da tam aydınlıq gələcək”.
CAVİD ƏLİYEV
