"Özümüzü görüşə tam hazır sayırıq" - "Həkken"in baş məşqçisi
“Qarabağ”a qalib gəlmək üçün bütün gücümüzlə oynamalıyıq”.
"Football-plus.az" xəbər verir ki, bunu İsveç “Həkken”inin baş məşqçisi Per-Matias Höqme “Qarabağ”a qarşı keçiriləcək Avropa Liqasının qrup mərhələsinin 2-ci turunun oyunu barədə danışarkən deyib.
Mətbuat konfransında fikirlərini bildirən 63 yaşlı mütəxəssis ölkə çempionunun güclü olduğunu söyləyib:
“Qarabağ” öz meydanında “Molde”ni çox yaxşı oyunla məğlub etdi. Biz isə doğma arenamızda ilk matçımıza çıxacağıq. Rəqib uzun illərdi ki, avrokuboklarda sabit çıxış edir. Buna baxmayaraq, özümüzü görüşə tam hazır sayırıq. Maraqlı mübarizə olacaq”.
Qeyd edək ki, sabah “Ullevi” stadionunda keçiriləcək “Həkken” – “Qarabağ” oyunu Bakı vaxtı ilə saat 23.00-da başlayacaq.
Digər xəbərlər
