AFFA rəsmisi: “Həkimlər region klublarına, bölgələrə gedib işləmək həvəsində olmurlar”
“Zaqatala”nın futbolçusu Mahmud Məmmədovun iki illik futboldan kənarlaşdırıldığını bilirsiz. Bu məsələni “Futbol+” olaraq çox işıqlandırdıq. Yekunda bəlli oldu ki, 1-ci liqa klublarında peşəkar idman həkimi olmadığı üçün belə problemlər ortaya çıxır.
Görəsən, AFFA bu məsələ ilə bağlı hansısa həll yolu düşünür? Gələcəkdə 1-ci liqada iştirakçılarından peşəkar idman həkimi ilə müqavilə imzalamağı tələb etmək olar? Dövlət tərəfindən aşağı liqa təmsilçilərinə 300 min manat ayrılır. Bu məbləğin bir hissəsini klublar belə probleminin yaşanmaması üçün istifadə edə bilərmi?
Suallarımızı AFFA-nın Mətbuat və İctimaiyyətlə Əlaqələr Departamentinin rəhbəri Elnur Məmmədliyə ünvanladıq. Qurum rəsmisi “football-plus.az”a açıqlamasında bunları söylədi:
“Sırf idman həkimləri ilə bağlı müəyyən çatışmazlıqlar var. Aşağı liqalarda kadr yetərsizliyi özünü daha çox göstərir.
Hazırda yalnız Azərbaycan Dövlət Bədən Tərbiyəsi və İdman Akademiyasında sırf idman həkimləri hazırlayan ixtisas mövcuddu. Oranı da il ərzində cəmi 5-6 nəfər bitirir və onların heç də hamısı idman sahəsini seçmir.
Qaldı ki, gələn mövsüm Lisenziyalaşdırma Komitəsinin bunu tələb kimi qoymasına, düzü, bu bir qədər çətin görünür. Çünki 1-ci liqa klublarının büdcələri, maddi imkanları o qədər də geniş deyil. Düzdü, dövlət tərəfindən onlara illik 300 min manat ayrılır. Lakin bu komandanın belə deyək, sırf çempionatda iştirak etməsi baxımından olan məbləğdi. Həm də həkimlər region klublarına, bölgələrə gedib işləmək həvəsində olmurlar. Təbii ki, bu da maddi şərtlərlə bağlıdı.
Hazırda Misli premyer-liqası, Əvəzedicilərin çempionatı, 1-ci və 2-ci klublarında ali təhsilli həkimlərin işləməsi tələbi qoyulub. Əsasnaməyə əsasən hər oyunda həkimlər stadionda olmalıdılar. Həkim protokolun əsas tərkib hissəsi olan şəxsdi və həkim olmadığı təqdirdə klub protokolunu oyun üçün sifariş edə bilmir. Hətta beynəlxalq təcrübəyə baxsaq, bir çox Avropa ölkələrinin aşağı liqalarında da həkimlərin sırf oyun vaxtı komandanın yanında olması tələbi var. Digər vaxtlarda isə o, klubdakı futbolçuların tibbi işlərini görür. Azərbaycan çempionatında Təcili Tibbi Yardım briqadaları da yuxarıda qeyd olunan liqaların oyunları vaxtı stadionda olmalıdılar. Təcili Tibbi Yardım gəlmədən PFL Əsasnaməsinə əsasən oyunun başlanması qadağandı”.
Hazırda yalnız Azərbaycan Dövlət Bədən Tərbiyəsi və İdman Akademiyasında sırf idman həkimləri hazırlayan ixtisas mövcuddu. Oranı da il ərzində cəmi 5-6 nəfər bitirir və onların heç də hamısı idman sahəsini seçmir.
Qaldı ki, gələn mövsüm Lisenziyalaşdırma Komitəsinin bunu tələb kimi qoymasına, düzü, bu bir qədər çətin görünür. Çünki 1-ci liqa klublarının büdcələri, maddi imkanları o qədər də geniş deyil. Düzdü, dövlət tərəfindən onlara illik 300 min manat ayrılır. Lakin bu komandanın belə deyək, sırf çempionatda iştirak etməsi baxımından olan məbləğdi. Həm də həkimlər region klublarına, bölgələrə gedib işləmək həvəsində olmurlar. Təbii ki, bu da maddi şərtlərlə bağlıdı.
Hazırda Misli premyer-liqası, Əvəzedicilərin çempionatı, 1-ci və 2-ci klublarında ali təhsilli həkimlərin işləməsi tələbi qoyulub. Əsasnaməyə əsasən hər oyunda həkimlər stadionda olmalıdılar. Həkim protokolun əsas tərkib hissəsi olan şəxsdi və həkim olmadığı təqdirdə klub protokolunu oyun üçün sifariş edə bilmir. Hətta beynəlxalq təcrübəyə baxsaq, bir çox Avropa ölkələrinin aşağı liqalarında da həkimlərin sırf oyun vaxtı komandanın yanında olması tələbi var. Digər vaxtlarda isə o, klubdakı futbolçuların tibbi işlərini görür. Azərbaycan çempionatında Təcili Tibbi Yardım briqadaları da yuxarıda qeyd olunan liqaların oyunları vaxtı stadionda olmalıdılar. Təcili Tibbi Yardım gəlmədən PFL Əsasnaməsinə əsasən oyunun başlanması qadağandı”.
İLKİN SULTANLI
Digər xəbərlər
