Albaniya mediası Canni de Byazinin Azərbaycan millisindən ayrılacağı ilə bağlı informasiya yayıb.

Həmkarlarımız bildirirlər ki, italiyali mütəxəssis Eduardo Reyanı əvəzləməyə namizədlər olan məşqçiləri siyahısında yer alıb. Görəsən, 2024-cü ilə qədər Azərbaycan yığması ilə müqaviləsi olan De Byazi həqiqətən millimizlə yolları ayırır? Məsələyə aydınlıq gətirmək üçün AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdulla ilə əlaqə saxladıq. Qurum rəsmisi "Football-plus.az"a açıqlamasında bunları dedi:

"De Byazi Azərbaycan milli komandasının baş məşqçisidi. AÇ-2024-ün seçmə mərhələsinin sonuna qədər bizimlə müqaviləsi var. Sözləşməyə uyğun olaraq fəaliyyətini davam etdirir. Gələn həftə də Bakıya gələcək".

İLKİN SULTANLI