Bu məqamlarla bağlı redaksiyamıza xoşagəlməz məlumat daxil olub. Sən demə, arenada yeni tikilən süni örtüklü meydançanın inşasına fasilə verilib. Buna səbəb AFFA-nın layihəylə bağlı tenderin qalibi olan şirkətə lazımi vəsaiti ödəməməsidi.
Görəsən, qurum niyə söz verilən maliyyəni çatdırmır? Problem nədən qaynaqlanır?
Sualımızı AFFA-nın Mətbuat və İctimaiyyətlə Əlaqələr Departamentinin rəhbəri Elnur Məmmədliyə ünvanladıq. Qurum rəsmisi problemlə bağlı “football-plus.az”a açıqlamasında bunları söylədi:
“Təyin edilmiş vəsaitin bir qismini kluba çatdırılıb. Qalanını isə sentyabrın 20-dən sonra ödəyəcəyik. Təbii ki, işlərin tez zamanda görülməsinin tərəfdarıyıq. Lakin indi hər yerdə gecikmələrə rast gəlmək mümkündü. Bəzən klublar futbolçuların pulunu gecikdirir, bəzən də belə hallar olur...”.
KƏNAN BAHADIR
