Messi oynamadı, “İnter Mayami” uduzdu
Lionel Messinin “İnter Mayami” ilə ikinci kuboku qazanmaq istəyi baş tutmayıb.
Onun komandası ABŞ Açıq Kubokunun finalında “Hyuston Dinamo”ya məğlub olub.
Mayamililərin lideri zədə səbəbi ilə komandasının 1:2 hesabı ilə uduzduğu matçı tribunadan izləyib. Baş məşqçi Xerardo Martino 36 yaşlı hücumçunun heyətdə yer almamasına belə aydınlıq gətirib:
“O, zədədən tam sağalmadığı üçün oynamadı. Leonun oynaması ağlabatan deyildi. Biz Messinin ən azı bir neçə dəqiqəlik meydana olmaq ehtimalını belə düşünə bilməzdik. Çünki əks halda onun səhhəti ilə risk etmiş olardıq”.
Argentinalı mütəxəssis Messinin yaxın vaxtlarda meydana qayıdacağını da bildirib:
“O, mütləq ölkə çempionatının sonuna qədər oynayacaq. Oyundan oyuna prinsipi ilə hərəkət edəcək, işlərin necə getdiyini və tibb şöbəsinin onun risksiz oynamasına icazə verib-verməyəcəyini görəcəyik”.
Digər xəbərlər
